Til þess að byrja góða daga verður maður stundum að vakna snemma. Í þessu tilviki kl. 6 í gærmorgun til að vera kominn í skólann kl. 7 að ná rútunni. Ferðinni var heitið til Bratislava í verksmiðju Volkswagen. Eftir að hafa fengið alveg hreint ágætis mat (samloka með reyktum lax og brauð með hráskinku og mozzorella, sem dæmi) var stutt kynning um verksmiðjuna. Þar eru framleiddir VW Touareg, yfirbyggingin á Porsche Cayenne (sem eru síðan fluttir til Leipzig til þess að fá vél, gírkassa og dekk), Audi Q7 og Skoda Oktavia. Vegna þess að ég lenti í síðasta hópnum í skoðunarferðinni urðum við að bíða í móttökubyggingunni í smá stund.
Til að drepa tímann fengum við að fara í bíltúr á slyddujeppunum þeirra í einhverja drullupytti og "torfærur" sem voru bara eins og vegurinn út á Geldinganes. En í móttökunni var aftur á móti 500 hö 1000 Nm V12 Audi Q7 diesel, sem er með sömu vél og er í Le Mans bílnum þeirra. *drool*. Verksmiðjuferðin var mjög skemmtileg, en meira má ég víst ekki segja (bannað að kjafta og taka myndir).
Þegar í skólann var komið biðu okkar þessir glæsivagnar:
Þegar í skólann var komið biðu okkar þessir glæsivagnar:
Verð bara að fá ða vita... hvernig bíll er slyddujeppinn? Er það eitthvað tryllitæki sem kemst upp allt vín?
Og fórstu ekki site seeing í fagra Bratislava? Gafst einhverjum penný í þjórfé svo hann gæti opnað eigið hótel :)?
Leave a comment